نورستان لوړو زده کړو مٶسسې استادانو ته درې ورځنى ديني او علمي سيمينار پاى ته ورسېد!
سه شنبه، 1403هـ.ش، سلواغې 30مه ياد سيمينار، چې د ننګرهار پوهنتون په کوربتوب راجوړ شوى و د نورستان لوړو زده کړو مٶسسې (40) تنو استادانو پکې ګډون درلود. پدې سيمينار کې ګډونوالو ته د ننګرهار پوهنتون يو شمېر استادانو او علماء کرامو لخوا په بېلابېلو ديني او علمي موضوعاتو باندې هر اړخيز معلومات وړاندې شول. همدارنګه د نورستان لوړو زده کړو مٶسسې رئيس پوهنيار قاضي خالد صداقت د سيمينار په ارزښت او اړتيا خبرې وکړې او د ننګرهار پوهنتون له رهبرۍ او ښه کوربتوب څخه يې مننه وکړه. دا سيمينار، چې د سلواغې په (28) پيل شوى و د شيخ عبدالظاهر صديقي په دعايه کلام سره پاى ته ورسېد.
